Ekspertiza

O‘zbekiston Respublikasi Vazirlar Mahkamasining 2020-yil 16-iyuldagi 444-son qarori bilan “Raqamli hukumat”ning axborot tizimlari va resurslarining yagona reyestrini ishlab chiqish va joriy etish vazifasi belgilangan.

Mazkur qaror ijrosini ta’minlash maqsadida “Axborot tizimlari va resurslarining yagona reyestri” axborot tizimi ishlab chiqilgan bo‘lib, u davlat organlari tomonidan axborot tizimlari va resurslarini markazlashgan holda hisobga olish va boshqarish imkonini beradi.

Yagona reyestrga vazirliklar, davlat qo‘mitalari, qo‘mitalar, agentliklar, idoralar, mahalliy davlat hokimiyati organlari hamda ustav fondida davlat ulushi 50 foiz va undan ortiq bo‘lgan xo‘jalik jamiyatlarining axborot tizimlari va resurslari kiritiladi.

Mazkur tizim davlat organlarining axborot tizimlari va resurslari, ma’lumotlar bazalari hamda dasturiy mahsulotlarini hisobga olish, shuningdek, amaldagi ishlanmalarning funksiyalarini takrorlovchi loyihalarni aniqlash va nazorat qilish imkonini beradi. Shu orqali reyestr takrorlanuvchi funksiyalarga ega tizimlarni ishlab chiqishning oldini olishga xizmat qiladi.

• Axborot tizimlari, ma’lumotlar bazalari va dasturiy mahsulotlarni ro‘yxatdan o‘tkazish hamda hisobini yuritish;
• “Raqamli hukumat” loyihalarining loyiha hujjatlari bo‘yicha ekspertiza jarayonini tashkil etish;
• Ekspertiza jarayonini nazorat qilish;
• Ekspertiza holatini monitoring qilish;
• Ekspertizaga kelib tushgan arizalarni monitoring qilish;
• Ekspertizadan o‘tgan axborot tizimlari va ma’lumotlar bazalarini hisobga olish;
• Berilgan xulosalar va xabarnomalarning haqiqiyligini tekshirish;
• Loyiha ijrochilari va tashabbuskorlari o‘rtasida o‘zaro hamkorlikni tashkil etish;
• Tashabbuskorlarni arizalarning ko‘rib chiqilish holati haqida xabardor qilish;
• “Raqamli hukumat” loyihalarining amalga oshirilishini monitoring qilish;
• Amalga oshirilgan “Raqamli hukumat” loyihalari bo‘yicha post-monitoringni amalga oshirish.

Markaz texnik topshiriq bo‘yicha ekspertizani shartnoma asosida, quyidagi talablarga muvofiq holda amalga oshiradi:

1. O‘zbekiston Respublikasi amaldagi qonunchiligiga muvofiqligi;
2. Loyiha konsepsiyasiga muvofiqligi;
3. “Raqamli O‘zbekiston”ning yagona identifikatorlaridan foydalanilishi;
4. Zarur axborotni qidirish, yig‘ish, qayta ishlash va saqlash mexanizmlarining mavjudligi;
5. Ochiq ma’lumotlar to‘plamlarini shakllantirish imkoniyatining mavjudligi;
6. “Raqamli hukumat” tizimini idoralararo integratsiya platformasi bilan integratsiya qilish imkoniyati (elektron davlat xizmatlarini “yagona darcha” tamoyili asosida ko‘rsatish maqsadida);
7. Mavjud axborot tizimlari, ma’lumotlar bazalari, axborot resurslari va dasturiy mahsulotlarni modernizatsiya qilish, yangi komponentlar sonini oshirish hamda apparat-dasturiy vositalarni kengaytirish orqali keyinchalik rivojlantirish imkoniyati;
8. “Raqamli hukumat” tizimi va raqamli iqtisodiyot doirasida boshqa tashkiliy-texnik tadbirlarni amalga oshirish imkoniyati.